ОҚ ЙЎЛ, ЁШ МУТАХАССИСЛАР!

  Бугунги кунда чақирилувчиларни ҳарбий-техник мутахассисликлар бўйича ва фуқароларни оммавий техник касбларга сифатли тайёрлашни ташкил этиш, спортнинг техник ва амалий турларини янада ривожлантириш, ўсиб келаётган ёш авлодни маънавий-ахлоқий ва ҳарбий-ватанпарварлик руҳида тарбиялаш ишлари тобора такомиллаштирилмоқда. Ҳарбий техник мутахассисликлар бўйича тайёргарликдан ўтган фуқаролар миллий армиямизда хизматни муваффақиятли ўтамоқдалар.

   Яқинда вилоят мудофаа ишлари бошқармаси ҳузуридаги Чақирилувчиларни ҳарбий-техник мутахассисликлар бўйича тайёрлаш марказида 44 нафар ёшларга сертификатларни топшириш маросими бўлиб ўтди.

  Тантанали маросимда сўзга чиққан марказ бошлиғи, подполковник Шерали Нуриллаев мамлакатимиз Қуролли Кучларида кичик мутахассисларнинг ўрни, уларнинг салоҳияти ва мазкур тизим хизматчилари учун яратилаётган шароитлар, имкониятлар ҳақида сўз юритиб, битирувчиларнинг она Ватанимиз сарҳадлари мудофаасини таъминлашдек шарафли ва масъулиятли вази-фаларни муносиб адо этишларида омад тилади.

   Марказда таҳсил олган чақирилувчиларга "В", "С" тоифали ҳайдовчилик ҳамда радиотелефонист мутахассисликлари бўйича сертификатлар топширилди. Шундан сўнгқуроласлаҳалар, ҳарбий техникалар кўргазмаси ҳамда қўл жанги чиқишлари намойиш этилди.

Феруз МУҚУМОВ.

жамоатчи мухбир.