Регистрация Войти
Вход на сайт
Качественные бесплатные шаблоны dle скачать с сайта
Реклама
» » ОЛТИН ИСТИҚБОЛГА ЙЎЛЛАНМА

ОЛТИН ИСТИҚБОЛГА ЙЎЛЛАНМА

24-06-2019, 15:43
Автор: User
Просмотров: 36
Комментариев: 0
Версия для печати
        Вилоят мусиқали драма театрида умумтаълим мактабларининг иқтидорли битирувчиларини олтин ва кумуш медаллар билан тақдирлаш маросими ўтказилди. Тадбир Ўзбекистон Республикаси Вазирлар Маҳкамасининг “Умумий ўрта таълим муассасалари ва академик лицейларнинг иқтидорли битирувчиларини олтин ва кумуш медаллар билан тақдирлаш тартиби тўғрисида”ги Низомига мувофиқ вилоят халқ таълими бошқармаси томонидан ташкил этилди. Унда Жиззах шаҳри ва туманларнинг ўрта мактабларида аъло баҳоларга ўқиб, намунали хулқи билан тенгдошларига ўрнак бўлган ўқувчилар ҳамда уларнинг ота-оналари иштирок этишди. Медалларни вилоят ҳокимининг ўринбосари Ботир Тўхтамишев топширди.
— Қувончимни таърифлаш қийин, — дейди Зарбдор туманидаги 3-умумтаълим мактабининг 11-синфини олтин медаль билан тамомлаган Зарнигор Абдураззоқова. — Ҳаяжонимни шеър билан ифода этмоқчиман:
11 йилда ўн бир минг қувончу ташвиш,
Ўтган кунлар хотирадан кетмайди албат.
Синфдошлик боғи ичра очилди дўстлик,
Кимларгадир насиб бўлди соф бир муҳаббат!
Энди устоз текширмайди ҳаёт дарсини,
Вазифани кўчирмоққа бўлмайди имкон.
Кундаликка қўйилмайди икки баҳолар,
Билинг, энди хатоларни кечирмас замон.
​— Юртимизда ёшларнинг келажагига қаратилаётган юксак эътибор, амалга оширилаётган қўллаб-қувватлаш ва ғамхўрлик ҳаракатлари таҳсинга сазовор, — дейди Мирзачўл туманидаги 5-мактаб битирувчиси, кумуш медаль соҳиби Шерзод Қорабеков. — Бугун олтин истиқболга йўлланма олаётганлар орасида менинг ҳам ўрним борлигидан ота-онам беҳад севинишди. ​​
Тадбир сўнгида янграган куй-қўшиқлар битирувчиларга унутилмас лаҳзалар бахш этди.
Гулчеҳра ХИДИРОВА.
Ботир ҚУДРАТОВ олган сурат.

скачать dle 12.0
Рейтинг статьи:
  
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.