Спорт маликалари

Ўзбекистон Хотин-қизлар қўмитасининг 2019 йил5 августдаги топшириғига асосан вилоят хотин-қизлар қўмитаси ва вилоят жисмоний тарбия ва спорт бошқармаси ҳамкорлигида 50 ёшдан юқори бўлган уй бекалари ҳамда 10 ёшгача бўлган қизлар ўртасида "Гимнастраде" спорт фестивали ўтказилди.
— Хотин-қизларнинг спортга бўлган қизиқишларини ошириш учун мавжуд имкониятларни янада кенгайтириш бугуннинг долзарб вазифаларидан бири, — дейди вилоят ҳокимлиги хотин-қизлар қўмитаси котибиятининг етакчи мутахассиси Иқболой Умарова. — Оилаларда соғлом турмуш тарзини тарғиб қилиш, ўсиб келаётган ёш авлоднинг жисмонан соғлом, маънан етук бўлиб камол топишида, аёлларни фаоллаштиришда бундай тадбирлар аҳамиятлидир.
Фестивалда Арнасой тумани — "Самая дружная команда"; Бахмал — "Самая эмоциональная"; Ғаллаорол — "Самая очаровательная"; Дўстлик — "За продвижение здорового образа жизни"; Шароф Рашидов — "За волю к победе"; Зарбдор — "Самая артистичная"; Зафаробод — "Самая энергичная"; Зомин — "Мисс гимнастраде"; Пахтакор — "Лучший подбор гимнастических элементов"; Фориш — "За любовь к спорту"; Янгиобод тумани — "Лучшая хореография"; Жиззах шаҳри — "Самая гармоничная команда" номинацияларини қўлга киритишди. Якуний қисмда иштирокчилар вилоят ҳокимлиги томонидан диплом ва эсдалик совғалари билан тақдирландилар.скачать dle 12.0