Регистрация Войти
Вход на сайт
Качественные бесплатные шаблоны dle скачать с сайта
Реклама
» » ҲАМКОРЛИКДАГИ ТАДБИР

ҲАМКОРЛИКДАГИ ТАДБИР

5-12-2019, 08:36
Автор: User
Просмотров: 268
Комментариев: 0
Версия для печати


   Республика “Юксалиш” умуммиллий ҳаракати, Ўзбекистон Хотин-қизлар қўмитаси, Конрад Аденауэр жамғармасининг Ўзбекистондаги ваколатхонаси билан ҳамкорликда Жиззахда бўлиб ўтган давра суҳбатида амалга оширилаётган ислоҳотлардан одамларнинг хабардорлигини ошириш, бу борада жамоатчилик назоратини кучайтириш масалалари муҳокама қилинди.


   Давра суҳбатини вилоят ҳокими Эргаш Салиев қисқача кириш сўзи билан очди.

   Республика “Юксалиш” умуммиллий ҳаракатининг ижрочи директори Асқар Маматхонов ўз чиқишида Ўзбекистон Республикаси Президентининг жорий йил 17 январдаги “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастури тўғрисида”ги Фармонидан келиб чиқадиган вазифалар ижросига йиғилганлар эътиборини қаратди. Юртдошларимизнинг ислоҳотлардан хабардорлигини оширишда жамоатчилик назоратини кучайтириш муҳим аҳамият касб этишини таъкидлади.

   Тадбир иштирокчилари Конрад Аденауэр жамғармасининг Ўзбекистондаги ваколатхонаси раҳбари Рони Хайни сўзини эътибор билан тинглашди.

   —Аввало бизни самимий кутиб олиб, давра суҳбати учун қулай имконият яратиб берганлиги учун вилоят ҳокимлигига самимий миннатдорчилик билдираман, — деди жаноб Рони Хайни. — Конрад Аденауэр жамғармасининг бош қароргоҳи Германияда жойлашган. Кўпгина мамлакатларда, хусусан, Ўзбекистонда ҳам унинг ваколатхонаси фаолият кўрсатаяпти.

   Хорижлик меҳмон республикамизда амалга оширилаётган туб ислоҳотларга юқори баҳо берди. Манфаатливазирлик ва идоралар билан ҳамкорликдаги лойиҳалар бундан буён катта самара келтиришини айтди. Давра суҳбати Бухорода давом этишини, Тошкентда эса ҳамкорликда халқаро конференция ўтказилишини маълум қилди.

   Вилоят ҳокими Эргаш Салиевнинг якунловчи нутқида воҳамизнинг қулай жуғрофик ўрни, хорижлик инвесторларнинг воҳамизга қизиқиши тобора ортиб бораётганлиги, “Обод қишлоқ”, “Обод марказ”, “Обод маҳалла” дастурлари, “Илғор ҳудуд” лойиҳасининг самаралари ҳақида сўз борди.


Турсунбой КАМОЛОВ,

скачать dle 12.0
Рейтинг статьи:
  
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.