Регистрация Войти
Вход на сайт
Качественные бесплатные шаблоны dle скачать с сайта
Реклама
» » Жиззахда тадбиркорларнинг 1 480,4 млн.сўмлик солиқ қарзидан кечилди

Жиззахда тадбиркорларнинг 1 480,4 млн.сўмлик солиқ қарзидан кечилди

1-11-2018, 07:30
Автор: Admin
Просмотров: 45
Комментариев: 0
Версия для печати

Жиззах вилоят давлат солиқ бошқармаси ташаббуси билан вилоят прокуратураси, Бош прокуратура ҳузуридагиМажбурий ижро бюроси Жиззах вилоят бошқармаси, Савдо саноат палатаси вилоят бўлими ва Ўзбекистон мусулмонлари идораси Жиззах вилояти вакиллиги билан ҳамкорликда«Солиқ қарзининг пайдо бўлиш сабаблари, тўловларнинг амалга оширилишида учраётган муаммолар ва уларни бартараф этиш йўллари» мавзусидаги «Очиқ эшиклар куни»бўлиб ўтди. Унда Ўзбекистон Республикаси Президентининг 2018 йил 27 июлдаги "Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида”ги ПФ-5490-сон Фармони мазмун-моҳиятини тадбиркорларга етказиш, Фармонда белгиланган солиқ имтиёзларидан унумли ва мақсадли фойдаланиш, уларфаолиятида учраётган мавжуд муаммолар муҳокама этилди.Ташкил этилган семинарда солиқ қарзига эга 110 нафар жисмоний шахслар ва якка тартибдаги тадбиркорлар иштирок этишди.
Фармон билан бюрократик тўсиқларни бартараф этиш, тадбиркорлик субъектларини ҳимоя қилишнинг ҳуқуқий механизмларини янада кучайтириш, ишбилармонлик муҳитини яхшилаш ҳамдаякка тартибдаги тадбиркор мақомини йўқотган жисмоний шахслар, молиявий-хўжалик фаолиятини амалга оширмаётган (шу жумладан, фаолиятини вақтинча тўхтатган) якка тартибдаги тадбиркорлар, давлат рўйхатидан ўтмасдан тадбиркорлик фаолияти билан шуғулланган жисмоний шахсларнинг тадбиркорлик фаолиятини тиклаган ёки қонун ҳужжатларида белгиланган тартибда давлат рўйхатидан ўтган тақдирда, қайд этилган солиқ қарзлари, молиявий жарималарҳамда пенялар ҳисобдан чиқарилиши, шунингдек, якка тартибдаги тадбиркор сифатида давлат рўйхатидан ўтмасдан фаолият олиб бораётган жисмоний шахслардан тегишли фаолият тури бўйича ўрнатилган ставкадан келиб чиқиб ҳисобланган бир йиллик миқдордаги қатъий белгиланган солиқни бир йўла ундириш тартиби ҳам бекор қилиниб, тадбиркорлар фаолиятини амалга оширилишидаги яна бир тўсиқ олиб ташланганлиги юзасидан тушунчалар берилди.
Шуни алоҳида таъкидлаш лозимки, вилоятда олиб борилган тарғибот ва ташвиқот ишлари натижасида, 227 нафар фуқароларимиз тадбиркорлик фаолиятини қайта тиклагани ҳамда белгиланган тартибда рўйхатдан ўтиши билан улардаги 1480,4 млн.сўм солиқ қарзи ҳисобдан чиқарилди.
Бу эса ўз навбатида уларнинг тадбиркорлик фаолиятини қайта тиклаши, янги иш ўринлари яратиши ҳамда бюджет тушумларига ҳиссасини қўшиш мақсадида ҳукуматимиз томонидан биринчи бор берилаётган имкониятдир.
«Бир неча йилдан бери давлатдан молиявий жарима бўйича қарзларимни тугатиш масаласини ечолмай қийналиб юрган эдим. Семинарда давлатимиз томонидан берилаётган имтиёзлар, солиқдан бўлган қарзимни кечилишини эшитиб тадбиркорликка бўлган иштиёқим уйғонди ва шу куннинг ўзидаёқ фаолиятимни қайта тикладим. Давлат солиқ хизмати органлари ходимлари томонидан менинг96,7 млн.сўмликсолиқ қарзларим ҳисобдан чиқарилди. Шу жойда мен бир туйғуни хис қилдим, бу юртда туғилиб ўсган ҳар бир фуқаро бахтли яшаши мумкин, фақатгина шукур қилиб берилган имкониятдан оқилона фойдаланиши лозим», – дейди фуқаро Достон Хамроқулов.
Бугун ушбу ҳужжат ижроси ва унинг мазмун-моҳиятини тушунтириш ва тарғиб қилиш чораларини кўриш муҳим аҳамият касб этади. Негаки, унда кўрсатилган барча имкониятлар халқимиз, қолаверса, тадбиркорлик субъектлари учун фойдалидир. Айни кунларда мазкур масала юзасидан мутасадди соҳа вакиллари билан ҳамкорликда тадбиркорлик ва молия-хўжалик фаолиятини тиклашда, шунингдек, уларнинг қонун ҳужжатларида белгиланган тартибда давлат рўйхатидан ўтказишда фаол ёрдам бериш учун вилоят, шаҳар ва туманларда фуқароларимиз билан учрашувлар ўтказилмоқда.
Мухтасар айтганда, Президентимиз томонидан 2018 йил 27 июлда қабул қилинган Фармон тадбиркорликни ривожлантириш йўлида амалга оширилаётган ислоҳотларни янги босқичга кўтаришда, соҳадаги мавжуд муаммоларга барҳам бериш ҳамда тадбиркорларнинг ишончли ҳуқуқий ҳимоясини таъминлашда хизмат қилади.Ҳурматли вилоятимиз тадбиркорлари, фармон талабларига асосан 2019 йил 1 январь яқинлашаётганлиги сабаблитадбиркорлик мақоми ўтган солиқ қарзига эга бўлсангиз, юқорида қайд этилган фармон билан яратилган кенг имкониятлардан фойдаланган ҳолдатадбиркорлик фаолиятингизни тиклашни унутманг!

Жиззах вилоят Давлат солиқ бошқармаси
Жамоатчилик билан алоқалар ва ҳуқуқий ахборот шўъбаси
скачать dle 12.0
Рейтинг статьи:
  
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.