ВИЛОЯТ ҲОКИМИНИНГ ҚАРОРИ

ХАЛҚ ДЕПУТАТЛАРИ ЖИЗЗАХ ВИЛОЯТИ КЕНГАШИНИНГ ҚИРҚ ТЎҚҚИЗИНЧИ СЕССИЯСИНИ ЧАҚИРИШ ТЎҒРИСИДА

   “Маҳаллий давлат ҳокимияти тўғрисида”ги Ўзбекистон Республикаси Қонунининг 17-моддасига асосан

ҚАРОР ҚИЛАМАН:

   1. Халқ депутатлари Жиззах вилояти Кенгашининг қирқ тўққизинчи сессияси 2019 йил 6 декабрь куни соат 10.00 да Жиззах шаҳрида чақирилсин.

    2. Сессия кун тартибига қуйидаги масалалар киритилсин:

  Ўзбекистон Республикаси Президентининг 2017 йил 8 августдаги “Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида”ги ПҚ-3182-сонли қарори ижроси юзасидан вилоят секторлар раҳбарларининг ҳисоботлари тўғрисида;

   Вилоятда “Фаол инвестициялар ва ижтимоий ривожланиш йили” давлат дастурининг бажарилиши тўғрисида;

    Вилоят ҳудудида жиноятчилик, ҳуқуқбузарликларнинг олдини олиш ва жамоат тартибини сақлаш ҳамда фуқаролар хавфсизлигини таъминлаш ҳолати юзасидан вилоят ички ишлар бошқармаси бошлиғининг ахбороти тўғрисида;

   Ўзбекистон Республикаси Президентининг 2018 йил 26 апрелдаги “Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида”ги ПҚ-3680-сонли Қарорининг ижроси тўғрисида;

    Вилоят маҳаллий бюджетининг 2019 йил учинчи чорак ижроси тўғрисида;

   Янги иш жойлари яратиш ва аҳоли бандлигини таъминлаш бўйича вилоят Дастурининг 2019 йил учинчи чораги ижроси ҳақида;

Вилоят ҳокимининг сессиялар оралиғида қабул қилинган қарорларини тасдиқлаш ҳақида.

   3. Халқ депутатлари вилоят Кенгаши доимий комиссиялари, вилоят ҳокимининг ўринбосарлари, вилоят ҳокимлиги ташкилий-назорат гуруҳи тегишли котибиятлар, мутасадди идоралар билан биргаликда сессияга тайёргарлик кўриш ва уни ўтказишга доир ташкилий тадбирларнинг ўз вақтида бажарилишини таъминласин.

Вилоят ҳокими Э.САЛИЕВ

      Жиззах шаҳри,

     2019 йил 28 ноябрь.